【Viu】終於等到Mischa今年第一首派台歌《人間英靈》推出喇！呢首歌只係佢全新音樂企劃《The Odyssey of Freya》嘅首部曲，成個project融入咗Mischa最愛嘅打機元素，佢仲會化身遊戲女主角，帶領大家一齊進入北歐神話嘅遊戲世界，聽落真係好有自肥嫌疑喎！而Mischa亦喺訪問中分享，佢人生中做過最英勇嘅決定就係入行，之後再參加《全民造星III》，雖然自己嘅星路唔算平坦，不過佢都好感激父母同男友嘅支持，無悔追尋夢想走上音樂路！而且參加完真人騷比賽後，Mischa仲練成超高EQ，就算被Haters嘲諷冇身材，都可以一笑置之！
