【Viu】微辣嘅霍哥由澳門撈到嚟香港，最近仲參演埋新劇《百萬同居計劃》，作為演戲初哥嘅佢，因為聽過太多娛樂圈潛規則，搞到劇集開拍之前都好緊張，但估唔到劇組成個氛圍非常歡樂，仲遇到Jeffrey呢個開心果，霍哥話冇諗過Jeffrey原來咁多嘢講，但霍哥更估唔到黃德斌都係口水佬一名，仲肯同Jeffrey傾無聊嘢傾足咁耐，而喺劇集殺青後，佢哋3個都經常約出去踩單車，真係勁friend啊！霍哥仲自爆同Jeffrey拗手瓜，即使出盡全力，對方都係郁都唔郁，搞到勁傷自尊啊！
霍哥平時拍片，成日有美女相伴，而佢依家最想合作嘅，就係COLLAR嘅Candy啦！霍哥仲話自己成日收到Candy嘅應援物，仲將啲應援物貼晒喺酒店房添啊！唔知霍哥呢個心願幾時會實現呢？
