紐卡素近況略勝曼城。
(©AFP)
【Now Sports】曼城近況確危，危在上輪聯賽被阿仙奴大炒後，在歐聯附加賽主場不敵皇家馬德里，既呈信心危機又有後顧，面對紐卡素隨時又再失分。
兩軍同樣24戰得41分，由於車路士剛敗走白禮頓，故今仗贏波的一隊即可升上積分榜第4位。曼城近期踢出水準的比賽委實不多，上輪聯賽以1:5敗走阿仙奴酋長球場，盡顯防線的無力感。上周末英格蘭足總盃作客贏奧連特2:1，對手太弱不足為據；緊接到周中迎擊皇家馬德里，錯過領先優勢遭對手絕殺，士氣正陷低谷。
士氣差是嚴重，傷兵又是嚴重，守將阿簡治及中場加利殊都在對皇馬勇戰受傷，前者需要休息10星期，缺少他情況下後防又少一員可信靠的戰將。此外，新加盟的歷高干沙利斯亦因傷上陣成疑。
紐卡素近況顯然略勝曼城，至少近兩場盃賽連勝，其中在英格蘭聯賽盃兩回合共贈對手4蛋見實力。對伯明翰因大腿傷缺陣的哥頓已復操，今仗料可候命。紐卡素過去作客曼城戰績差勁，但如今形勢不同，今仗未必處於下風。
英超 曼城VS紐卡素
Now TV 621台15/02 23:00直播
