馬莫殊開齋便演出帽子戲法。
(©AFP)
【Now Sports】周六英超，曼城憑馬莫殊開齋並演出帽子戲法，以4:0大炒到訪的紐卡素。
曼城防中歷高干沙利斯加盟後首擔正，馬莫殊（Omar Marmoush）、霍頓、沙維奧支援射手賀蘭。紐卡素繼續由伊薩掛帥，身後有哥頓、積及梅菲。
19分鐘，艾達臣長傳精準，馬莫殊擺脫了查比亞，冷靜地挑射得手，打開轉會後入球大門，藍月1:0領先紐卡素，艾達臣以6次成為英超史上最多助攻的門將。4分鐘後，根度簡傳入禁區，馬莫殊在左路控至右邊起右腳射入近柱，曼城拉開比數。曼城控制戰局，33分鐘，沙維奧在右路爆落底傳中，馬莫殊門前射入，演出帽子戲法，藍月半場領先紐記3:0。
下半場，曼城銳意找到第4球，終在84分鐘如願，根度簡開出角球，賀蘭在近柱頂後，麥卡迪門前射入，曼城埋齋炒紐卡素4:0。賀蘭疑似受傷，完場前被換出，但無阻曼城大勝一場。
藍月以25場44分升上第4位，紐卡素以25場41分排第7位。
