【Now Sports】香港柔道總會今日宣佈港隊出戰奧運的一人名單,女將王嘉莉以亞洲排名第7獲得奧運資格,首度參與女子48公斤以下級別賽事。
經歷12年再有港將出戰奧運柔道項目,作為史上第3個征奧的柔道港將王嘉莉直言意義重大,更稱自己心情興奮:「第一次去奧運好興奮同期待,信心都充足嘅,加上今次細佬去埋巴黎一齊陪練,會多咗安全感同信心,佢成日喺我好攰嘅時候鼓勵我。」她指此行任重道遠:「今次去到奧運係證明畀下一代人睇,令佢哋相信奧運並唔係遙不可及嘅舞台,前人做到,後人就有信心去超越前人。」
嘉莉同時大談備戰情況:「練習將針對弱點,增強體能好似跑步同跑樓梯,訓練大髀爆炸力,加強捉袍嘅訓練,最重要係自己好多時失咗魂咁,集中力偏低,依加練習再加強集中力。同埋主要喺香港訓練,7月23先出發去巴黎。」
26歲的她深知自身的不足:「我打法有啲單一,主招係『內股』,可能要有新變化。我有留意蒙古同日本選手,尤其係喺上年亞運對過日本嘅角田夏實,嗰次同佢交手,佢好似無用力就贏咗我,明白自己同佢哋係有差距, 所以今次目標希望能夠攞到前7名。」
巴黎奧運男女柔道項目各設7個體重組別,王嘉莉出戰的女子48公斤以下級別先於7月26日抽籤,翌日開打。