【Now Sports】已做賽前期望管理,想不到雖然荷蘭贏,但更想波蘭有分落袋;望到球員完場好似捧盃咁開心,真係無恥!
撰文:高洛文
荷蘭球員愁眉心鎖又散漫,雲迪克瞻前顧後,進攻長波分兩邊成功率高過中場,最威脅射門係佢接應角球車身撞射,試問中場同前鋒作用?一人兼多職,與防線誤會頻頻,人哋一個拉走你4個頂入埋,係咪要檢討下?追平靠運氣,進攻除「亂斬」無他法。迪比矮對面中堅成個頭,斬比佢做乜?!見椰子喺BBC直播室做客席,諗起當年「曼聯81次傳中」。
「贏就3分已袋,不過荷蘭要反省死球防守、進攻板斧及基本防守出現乜嘢問題!」BBC評述基昂不留情面批評荷蘭表現。調動得宜致勝乃教練功勞,拎3分當鬆口氣的話,我建議荷蘭躝出歐國盃。
撰文:高洛文
足球故事就是生活抗壓泉源,大賽就係故事大溶爐