安迪亞斯皮利拉拉開比數。
(©AFP)
【Now Sports】富咸憑安迪亞斯皮利拉個人梅開二度，作客2:0擊敗韋斯咸。
周日韋斯咸主場對富咸的英超比賽，首個埋門出現在3分鐘，安東尼奧禁區右腳拉弓炒高；5分鐘獲特包斯開角球，古度斯禁區外左腳抽射，僅僅近柱上角出界，其後8分鐘輪到柏基達左腳拉弓又僅僅出界。富咸9分鐘第一個埋門即轉化為入球，安迪亞斯皮利拉近射破網，領先1:0；隨後皮利拉再有一次右腳埋門，但遠柱出界。
落後下的韋斯咸力救盡快收復失地，16分鐘馬夫路班奴斯的頭槌、18分鐘獲特包斯禁區外冷箭及28分鐘柏基達遠射，都未能破蛋。尾段雙方互有埋門，隨著臨完場伊禾比右路射遠柱射失後，富咸半場領先1:0。
下半場先有富咸埋門，46分鐘蒙尼斯禁區右腳拉弓被救，57分鐘伊禾比埋門射遠柱又未能轉化為入球。主隊韋斯咸下半場鮮有埋門，68分鐘柏基達6碼點頭槌被救出後，72分鐘伊禾比策動快攻，皮里拉近門助富咸射成2:0。主隊韋斯咸尾段顯得有心冇力，83分鐘古度斯禁區外遠射破蛋失敗後，富咸最終作客贏2:0。