基菲爾施古臣先開紀錄。
(©AFP)
【now.com體育】愛華頓在周六英超憑下半場發力，以3:1擊敗來訪的水晶宮。
上仗大敗予阿仙奴1:5後，愛華頓變陣出擊，由3後衛轉為4-5-1陣式，以米高堅尼頂替艾殊利威廉斯任中堅；前線仍然用奧馬尼亞斯任前鋒，由朗尼（Wayne Rooney）、禾確特、基菲爾施古臣支援。水晶宮則有雙箭頭賓迪基、新兵阿歷山大索洛夫。
兩軍在上半場踢成均勢，但愛華頓的射門較多；27分鐘，基菲爾施古臣左路開出角球，水晶宮後衛解圍不遠，中場伊祖沙古爾把握機會作出遠射，門將軒尼斯撲出。賓迪基曾在38分鐘接應中堅湯堅斯右路傳中，在門前撞入，但因越位在先被判詐糊。
拖肥在下半場發難，只用了6分鐘就轟入2球；46分鐘，基菲爾施古臣在禁區頂遠射，省中湯堅斯改變方向入網，到51分鐘，左閘古高馬天拿傳中，奧馬尼亞斯無人看管下頂入成2:0。其後，中場卡比耶傳中，賓迪基在遠柱迎頂，理應有99%機會頂入，竟然頂斜。
75分鐘，右閘莊祖堅尼傳中，奧馬尼亞斯射門被軒尼斯撲出，基菲爾基施古臣於左路再傳予湯姆戴維斯，後者射入空門。完場前7分鐘，後備入替的艾殊利威廉斯又出事，於禁區犯手球，中場米利禾積域射入12碼，為水晶宮破蛋，但仍負1:3。
同時段另外3場英超戰果，史篤城以1:1逼和白禮頓，而韋斯咸有前鋒查維亞靴南迪斯及阿拿奧杜域建功，以2:0輕取屈福特，至於史雲斯由中場奇誠庸在81分鐘入球，小勝般尼1:0。