連格近2場英超轟入3球。
(©AFP)
【now.com體育】今輪英超重頭戲，曼聯作客阿仙奴，憑翼鋒連格梅開二度，就算有中場保羅普巴被逐，仍以3:1勝出。
曼聯再次排出3-4-2-1陣式，有防中尼曼查馬迪克服傷患，正選跟保羅普巴合組中場中路，而連格（Jess Lingard）及安東尼馬迪爾則在兩翼，為單箭頭盧卡古鋪橋搭路。至於阿仙奴也有射手拿卡錫迪傷癒擔正，跟奧斯爾及阿歷斯山齊士力爭入球。
這場滿以為勢均力敵的賽事，在開賽11分分鐘就有2球分野。4分鐘，兵工廠中堅哥斯尼誤把皮球送予曼聯右閘路爾斯華倫西亞，後者跟普巴做one-two後射入。11分鐘，阿仙奴另一中堅梅斯達菲出事，最終由馬迪爾巧妙地後傳予連格射成2:0。阿仙奴其後積極反撲，多次埋門都非常接近，但仍然未能入球。
下半場展開僅5分鐘，兵工廠終於追回1球；山神過頭波傳予中場艾朗藍斯，後者交出靚助攻，由拿卡錫迪射成1:2。51分鐘，連格扭過了防中格列沙格後施射，門將施治撲到再中柱彈出。
63分鐘，普巴擺脫哥斯尼後傳中，連格近門撞入，曼聯再度拉開至2球差距，而他個人亦近2場英超轟入3球。1分鐘後，山神的射門被門將迪基亞化解。雖然普巴在74分鐘因為粗野攔截阿仙奴右閘比利連被逐，但無礙紅魔以3:1勝出。