【A&M Diary】講到高質天婦羅，就一定會聯想起日本過江龍天丼名店：金子半之助。金子半之助嘅天婦羅之所以出名，除咗天婦羅本身之外，原來秘密係來自古早秘傳醬汁，令味道重現江戶時代風味；另外，金子半之助亦運用了源自江戶時代特色嘅丼碗，碗底部份特意做成空心設計，更能保持碗中食物嘅溫度，美味同時感受到佢嘅用心。
金子半之助：軟殼蟹沙律
金子半之助嘅頭盤選擇咗軟殼蟹沙律。軟殼蟹外層非常香脆，而內層依然食到絲絲嘅蟹肉鮮甜味，而且份量十足，非常抵食。至於沙律菜之中仲暗藏海葡萄，增加蔬菜嘅鮮味，亦令口感更為豐富。
軟殼蟹沙律
金子半之助：鰆魚櫻花蝦鮭魚子壽司卷
炸過嘅櫻花蝦配上紫菜、同鰆魚，令薄脆嘅外層遇上肉質柔軟嘅鰆魚肉，及櫻花蝦嘅香甜味，口感同味道嘅都十分豐富。
鰆魚櫻花蝦鮭魚子壽司卷
金子半之助：特製豚肉、牡蠣天婦羅御膳
豚肉用上北海道著名嘅夢之大地豬肉所烤製，甫上檯就香味撲鼻，肉味香濃且富含肉汁；而金子半之助嘅天婦羅御膳有4款選擇：軟殼蟹、虎蝦、甜蝦同牡蠣，我哋就揀咗味道鮮甜可口嘅牡蠣，咬開香脆嘅外層，牡蠣嘅海水鮮甜味隨即湧上。
特製豚肉、牡蠣天婦羅御膳
