【A&M Diary】駱駝漆大廈係觀塘嘅尋寶大廈就係人都知，由特賣場、工業風cafe、到可愛卡通飾物等等都有。嚟到主打泰菜嘅Add Some Thai Restaurant，同樣帶俾我哋驚喜。品嘗由天堂級嘅花膠，至地道級嘅泰式車仔麵，出品同樣高質。食飽飽再去shopping或者行吓海濱，啱晒幫助消化啦！
招牌泰式花膠金湯泡飯配無骨海南雞
Add Some Thai Restaurant嘅金湯經長時間熬製，湯底入口香甜而且雞味濃郁，飲得出用料十足，更令本身肉質嫩滑嘅無骨海南雞嘅雞味得以提升。至於厚實嘅花膠黏滑又彈牙，非常膠口，配搭埋蟲草花真係天堂級嘅享受。
泰式車仔麵
平時港式車仔麵就食得多，Add Some Thai Restaurant就推出泰式版本嘅車仔麵。泰菜不敗嘅豬頸肉肥瘦適中，豬頸肉肉厚而彈牙，肉邊稍微烤過令口感更添香脆；湯底配上檸檬葉冬陰功湯，少少酸辣之中，檸檬葉則另外帶嚟淡淡嘅清爽味道，配搭相當特別。
