【A&M Diary】返屋企食飯最滿足莫過於一碗靚湯啦！但作為都市人，頻繁嘅生活，忙碌嘅工作，一碗靚湯又點夠呢。想飲靚湯嘅話，推介位於大角咀嘅食在家，餐廳嘅湯水款式超過十款，用料十足，而且定期更新，讓你一年四季都可以輕鬆滋潤進補，為身體注入滿滿嘅能量。
原盅燉湯
餐廳嘅湯水款式超過十款，定期更新，而呢啲天氣最啱就係飲蟲草花杞子淮山烏雞湯、花膠瑤柱冬菇赤肉湯。盅內嘅湯料十足，不含味精。蟲草花杞子淮山烏雞湯嘅味道充滿層次，啖啖嘅蟲草花香，非常滋潤；花膠瑤柱冬菇赤肉湯嘅花膠同樣真材實料，湯底膠口，充滿骨膠原。
東北大米小碗蓋飯
套餐包括時令蔬菜、雞湯米線、櫻花蝦蒸蛋外，另外三款小碗蓋飯都可以自由組合，而蓋飯嘅款式多達八款，日日食都可以有不同配搭，新鮮感十足。我哋就揀咗蠔皇鮑魚扣花膠、香煎鵝肝配紅燒雜菌、藤椒蔥油牛舌：鮑魚同花膠都炆得非常入味軟腍，骨膠原豐富；煎香嘅鵝肝，油香豐富，入口綿滑；至於牛舌帶有麻辣嘅滕椒香，非常惹味。
