【A&M Diary】食Foodcourt主要係貪圖選擇多，享受不同菜式選擇嘅過程，今日喺K11 Musea Food Playground經過一輪美食嘅內心掙扎後，由主打日本菜嘅Oomaki勝出。Oomaki嘅廚房雖小，但都有無限嘅可能，日式手卷、鐵板咖喱、壽喜燒都有，而且出品帶被你被低估嘅驚喜！
拖羅刺身壽司手卷盒
套餐份量十足，除咗Oomaki招牌自創名物手卷，更有手握壽司、拖羅刺身、沙律菜、枝豆以及麵豉湯。其中Oomaki嘅自創手卷賣相精美，以一個U型木盒裝住，揀咗吞拿魚作餡，加上白飯以及新鮮脆口嘅紫菜，口感一流，令人回味無窮；刺身有齊赤身同拖羅，兩款都非常新鮮；喺foodcourt嘅手握壽司竟然係由職人壽司師傅即叫即做，極具誠意。
