【A&M Diary】塗鴉鐵閘、霓虹燈牌、Tuk-Tuk車，但唔好以為去咗泰國呀，其實只係去咗旺角嘅Tamarind。以泰國菜作主打嘅Tamarind，裝飾設計令人彷彿置身泰國街頭，而且食物出品充滿泰國傳統風味，難怪成為近期旺角極具人氣嘅泰國餐廳啦！
泰式甲拋豬肉飯
大大隻嘅太陽蛋舖喺飯上面，賣相一流！豬肉同辣椒一齊拋炒，除咗肉味香濃外，仲帶點微辣，非常惹味。
泰式牛肉船麵
船麵可以話係泰國最貼地嘅食物！爽脆嘅豬皮索晒濃濃湯汁；豬肉丸彈牙嫩口；仲有嫩滑嘅牛肉片，但最正都係掛晒湯汁嘅麵呀！
