【A&M Diary】香港屋邨除咗係唔少人嘅居所，建築風格更充滿特色，成為香港嘅一大特色。喺各個屋邨亦有唔少街坊餐廳，臥虎藏龍之餘，價錢仲要夠晒親民。嚟到天水圍天慈嘅牡丹金閣，點心一向貼地，估唔到晚飯同樣驚喜。
乳鴿
唔少酒樓都主打燒味，牡丹金閣都唔例外！燒鵝係佢哋嘅招牌，但怕份量太多，所以叫咗鵝嘅朋友：乳鴿。乳鴿皮夠晒香脆，裏面嘅肉汁鎖得非常好，一咬落去肉嫩而多汁，借得推介。
啫啫鮑魚滑雞煲
煲入面都有唔少鮑魚仔，鮑魚口感Q彈軟腍，而且夠晒入味；滑雞夠嫩滑，兩者相輔相成，炆得好入味，性價比十足。
