【A&M Diary】M佬知我唔開心，特登嚟觀塘接我收工，等咗佢成個鐘先見到我，就帶我去到中海日升中心食正宗台灣菜嘅龍鳳號。
豬氣管
第一次食豬氣管嘅我哋，就先俾佢嘅甜醬汁吸引住，好開胃。而豬氣管原來係好脆好爽口，食落會有chop chop聲，佢嘅鮮味俾醬汁提升晒。
豬蝴蝶腩
連筋帶肉嘅豬蝴蝶腩，肉味香濃，肉質爽脆，同樣用上甜醬汁，底下仲有索晒汁嘅豆腐，好好味。
台式烤墨汁香腸
墨汁香腸嘅墨魚味香濃，識食一定連蒜片一齊食啦！
燙蕃薯葉
菜類就揀咗少有嘅蕃薯葉，食落有油葱香。
惹味肉燥拌乾麵
肉燥唔一定配飯，仲可以加埋香蔥蒜嚟拌乾麵，撈埋嚟食，好有台灣感覺。
