【A&M Diary】佐敦出名係平民食堂，除咗價錢平，選擇仲非常多呢！如果想嘆番碗拉麵，推介呢間非常抵食嘅悅麵。悅麵除咗日式嘅拉麵同烏冬之外，為對應餐廳位於充滿本土味十足嘅佐敦，所以加入唔少港式口味，例如瑞士雞翼等，試試兩種截然不同嘅味道啦！
日式煎餃子
餃子新鮮煎起，皮薄餡靚，餡肉鮮味多汁，非常開胃嘅餐前小食。
京燒鯖花魚配豬骨湯日式拉麵
京燒鯖花魚份量十足，魚味香濃，有淡淡嘅魚油香味，配上秘製醬汁，十分惹味。拉麵豬骨湯湯底香濃，配上掛湯十足嘅拉麵，好滿足！
瑞士雞翼瑞士汁撈麵
瑞士汁雞翼醃得好入味，雞肉嫩滑，有淡淡嘅花椒八角香料味；再配埋掛滿香濃瑞士汁嘅撈麵，食完想再encore！
