【A&M Diary】如果可以穿越嘅話，你想返去過去定未來？我就好想回到過去，返到去自己年青，食極都唔肥嘅時候喇！雖然依家呼吸都會肥，但面對美食真係忍唔住口。嚟到土瓜灣嘅川粵時光小廚，出品有誠意又好味，呢舖真係肥都抵啦！
木桶蒸雞
大木桶入面有超足份量嘅半隻雞，雞件下面鋪滿雲耳同蟲草花。蒸過嘅雞肉非常嫩滑，而雲耳同蟲草花吸收晒蒸完出嚟嘅雞汁，好入味。
招牌金湯酸菜魚
酸菜魚嘅特色係魚片無骨又鮮嫩爽脆，酸菜微酸爽脆，加上金湯湯汁夠濃，啖啖湯都好香濃。湯入面有金菇同粉絲做配料，一大盤嘅金湯酸菜魚配飯好食，但重點當然係煲底索晒味嘅粉絲啦！
鐵板黑椒牛仔骨
呢個係店員推介嘅食物，以往用鐵板上嘅牛仔骨都好考技巧，因為好怕牛肉會太熟而肉質好韌，而呢一份牛仔骨就無呢個問題。牛仔骨軟腍，加上濃郁嘅黑椒汁非常入味，真係要添飯呀！
