【A&M Diary】其實全香港有唔少賞楓賞紅葉嘅熱點，但講到最受歡迎同最多紅葉嘅地方，就一定係元朗大棠嘅楓香林啦！今年元朗大棠嘅楓香林已經轉紅喇，大家想去賞楓賞紅葉就要把握時間，記住睇埋A姐M佬嘅大棠紅葉情報，計劃一下呢個大棠楓香林旅程。
大棠紅葉情報2022 – 元朗大棠楓香林 | 提提你
1. 為免山長水遠去到大棠楓香林，啲紅葉又唔夠紅，不妨喺出發前，上漁農自然護理處網站了解一下紅葉情報，楓香林紅葉指數分為A至D四級，代表紅葉轉紅程度，D為綠色，C代表轉黃，B則代表開始紅，而A則為極紅
2. 起點設有洗手間同士多，而楓香林設有流動洗手間，但大家都要記住帶備足夠嘅飲用水前往
3. 大家記住保持環境清潔，自己垃圾自己帶走，絕對唔可以破壞大自然環境
4. 整個路段都係石屎路，沿路無樓梯，係初級路線，亦適合輪椅人士。如果喺村口落車，再行上去大棠郊野公園嘅斜路係全程最辛苦，如果想避免呢般路程，可以直接坐的士或乘坐指定小巴去到門口。由呢個門口行入去楓香林，只需要30分鐘
大棠紅葉情報2022 – 元朗大棠楓香林 | 前往方法
1. 自駕遊：大棠郊野公園設有免費停車場，不過長期爆滿。駕駛人士可以泊有機生態園的停車場，全日收費HK$80
2. 於港鐵朗屏站或元朗市中心乘搭港鐵巴士K66號，或於元朗市紅棉圍乘紅色小巴，喺大棠山路巴士站落下車
3. 於紅葉旺季期間，有小巴去到家樂徑門口
大棠紅葉情報2022 – 元朗大棠楓香林 | 紅葉季節
大棠紅葉情報2022 – 元朗大棠楓香林 | 一般嚟講，香港賞楓賞紅葉嘅季節由11月尾開始，但如果當年遲咗入冬，就可能要等到12月尾或1月初先係紅葉旺季。所以出發前，記住上漁農自然護理處網站了解一下紅葉情報，楓香林紅葉指數分為A至D四級，代表紅葉轉紅程度，D為綠色，C代表轉黃，B則代表開始紅，而A則為極紅！
大棠紅葉情報2022 – 元朗大棠楓香林 大棠紅葉楓香林
大棠紅葉情報2022 – 元朗大棠楓香林 | 沿大棠山道起步，大概45分鐘就會去到楓香林。由於今年嘅楓葉紅得好靚，所以吸引咗好多遊客！大家記住帶部相機去影相打卡，影出嚟嘅相真係唔洗執都非常靚呀！但大家賞楓賞紅葉時，記住唔好破壞大自然環境呀！
整個大棠楓香林嘅紅葉樹真係好多，大家可以慢慢行慢慢欣賞。但其實香港嘅紅葉並唔係加拿大或日本嘅楓樹，香港嘅品種係楓香樹。兩者最大分別係楓香樹樹葉多為三裂掌狀，而楓葉一般為掌狀五裂。
