【A&M Diary】香港人真係好辛苦，唔知點解呢個民族好似特別鍾意返工，間唔時仲要OT。放工之後嘅第一件事就係同成班人迫地鐵，再趕返屋企食飯，食飽飽，洗埋碗，沖好涼，又係時候瞓覺喇，瞓醒又係第二日返工嘅開始！所以我有時都好羨慕啲西人同日本人，放工會飲吓酒，畀自己休息吓。崇洋崇日嘅我哋，今日放工就畀自己鬆一鬆，去到銅鑼灣備長食吓串燒，飲吓嘢啦！
明太子雞翼
咬落去真係好滿足！啖啖肉汁，而且充滿明太子香味，而且燒到微燶嘅雞皮亦係一大賣點，好惹味。
蘆筍豬肉卷
平時食嘅蘆筍卷，會燒到好乾，但呢到加上豬肉嚟燒，所以唔會燒得太乾，咬落去好juicy。
辛辣炸雞
雞件即叫即炸，好香口，但略嫌雞唔上粉，所以肉同炸粉有啲分離，但好在雞肉都好嫩滑。
