【A&M Diary】呢段時間，日日都留喺屋企無出街，A姐就瘋狂玩《動森》，而我真係好悶呀！所以決定去書局買本書，增值自己！嚟到希慎廣場書店，可以扮吓文青，但上面嘅美食廣場傳嚟一陣陣香味！所以我同A姐決定先醫肚再買書。今日選擇咗日日香鵝肉飯店，皆因好耐無食過大排檔打冷喇！
滷水鵝皇飯
想咩都試齊，就要揀呢個鵝皇飯，有鵝片、鵝腎、鵝肝、鵝腸、酸菜、蛋、炸花生同豆卜。鵝片厚薄度適中，油脂甘香；鵝腎軟腍；鵝腸爽脆；而鵝肝好香，唔會有腥味。可以按照個人喜好，將豉油、辣椒醋同辣椒油，令到味道更高層次。
