【裝修佬】每年天氣開始熱，要開冷氣，就會出現「樓下開冷氣，樓上地板出水」呢個問題。網上搜尋解決方法，通常只係見到一些類似「將冷氣扇頁推向下」呢Ｄ方法。但其實要解決問題，要先知道問題成因，對症下藥。因為成因同解決方法，都唔止一個。
首先大家要清楚，所謂地板出水這個情況絕對唔關漏水、滲水事。因為這種水，叫冷凝水，是樓上空間空氣的水，不是樓下滲上去的水。佢既成因有三：
第一：樓板太薄。
樓板太薄，冷氣低溫容易傳導上去上層地板，形成冷凝水。
如果係樓宇既問題，大家要共同諗辦法解決。樓上唔好怪樓下開冷氣，人地係有權開冷氣架；樓下唔好覺得樓上麻鬼煩，因為大家都係受害者。
咁點知係咪樓宇問題？問下其他單位係咪都係咁就知啦。
第二：溫差太大。
熱風遇上冷表面，就會凝水。
你行出冷氣商場，眼鏡片會凝水；室內常溫空氣遇到你杯凍檸茶，也會凝水。
所以，地板濕是因為樓下冷氣令你地板變冷，而你既室內空氣相對較熱。
係邊個責任？如果樓下係冷藏庫咁，就係樓下責任。如果樓上好似桑拿房咁，就係樓上責任。
第三：濕度太高。
「荷」一口氣落玻璃杯，但溫差好細，一樣會凝水，點解？
因為濕度高。所以，樓上唔好淨係識得怪樓下扇葉唔向下之類。你都要度下自己單位的濕度。開抽濕或者放一個吸濕產品起冷凝水出現位置，都會有助解決問題。
所以，冷凝水既成因有三個，解決方法亦都要對症下藥，唔能夠一招走天下。
下星期再分享點樣完美解決呢個問題！
大家有什麼問題，都可以聯絡「裝修防伏大全」專頁。
