【裝修佬】上星期提到地板出水的不同成因。好多讀者都問可以點解決。今日一次講哂畀大家知：
第一招：調節樓下天花溫度
要調節樓下溫度，說的是天花溫度。將扇葉向下撥，十次也許有兩次解決到問題。也有戶主的冷氣風口吹向一櫃頂，讓冷風積聚。戶主在那個位置放上毛公仔，問題就解決了。更好的方法，係將冷氣較細，配合循環風扇，將室內溫度調高，但感覺會同樣涼快，仲可以慳電添！
如果想再落力D，亦有戶主用一種相當厚身，大約幾十蚊一平方米的自黐式防撞牆貼，貼在天花，當係裝飾，整特色天花，就能有效絕緣，十次有八次解決到問題架。
呢個方法，牆身都一樣合用。但亦有人拒絕使用呢個方法，原因主要是覺得唔合自己品味或單位風格，覺得唔靚；其次可能是覺得唔順氣，無理由要我貼天花，你樓上又唔貼地下呀。
咁其實，樓上貼地下，又有無用呢？
第二招：增強樓板之間絕緣
樓上貼地面，都係有用的。因為冷凝水成因是令地板變成冷表面。你將一層膠緊貼地面，一來膠與地面之間無水份凝結成水，二來膠亦阻擋了冷溫滲透，令冷凝水出現。但當然，地面凸出黎，好多人都會介意。呢個情況下，就要考慮能配合設計的地板絕緣方式。用薄D，或者令佢厚出黎厚得靚仔，當係一個設計，都唔係唔得架。
第三：調低濕度
上集提出樓上濕度有助冷凝水出現。咁關鍵就在於令冷凝水黑點保持乾燥啦。可以用的包括抽濕機、備長炭、硅藻土、吸濕劑，又或者透過吹風扇發揮少少抽濕的效果。注意目標是令環境無咁潮濕，而唔係將冷凝水抽乾。
以上三招，需要按嘗試同調節。點調節？當然就要睇番上集講既凝水成因去分析啦。
大家有什麼問題，都可以聯絡「裝修防伏大全」專頁。
