【now.com】上篇講到位於東澳島的Club Med有幾好住有幾好食，咁有咩玩呢？一般酒店設施少不了，例如K房、麻雀房（最重要全部都是自動洗牌機）、Spa、健身室、室內外泳池、酒吧等等，費用全免，而主打陽光與海灘的東澳島Club Med當然有大量水上和陸上活動！
在15公里長灘上，除了水上電單車和皮划艇要另外收費，想玩風帆、站立式衝浪板、水上單車、獨木舟，只要預約好時間，就會有專人從旁指導你，毋須再付款。另外還有多種陸上運動，如環島踩單車、射箭、空中飛人、樹頂探險、沙灘排球、彈床、瑜伽、鋼管舞等。玩完一整日，最好去L’OCCITANE做個spa，嘆一嘆。怕帶住小朋友唔可以盡情去玩？Club Med有兒童樂園和兒童俱樂部，最好的是有託管服務，有G.O.替你照顧小朋友，讓你安心享受假期。
去到沙灘點可以唔玩水，Club Med提供8大水上活動。
可以學珊珊玩風帆，唔識唔緊要，有專人指導。
感覺超嘆！
喺香港想搵個沙灘嘆吓都難。
除了水上電單車和皮划艇，風帆、站立式衝浪板、水上單車、獨木舟等都毋須額外收費。
沙灘旁仲有個水吧位，嗌杯嘢飲繼續嘆。
呢班來自世界各地的G.O.幾時都咁有活力。
唔想玩沙嘅可以去泳池，全間Club Med共有兩個室外池，一個室內池。
Le Luxe那邊的infinity pool。
室內池設計非常有現代感，最欣賞全玻璃設計。
游到攰就飲杯嘢補充吓水分啦。
3層樓咁高嘅空中飛人，大人定小朋友都可以玩㗎！
唔鍾意戶外活動，去嘆個spa又得。
用的產品是L’OCCITANE。
有G.O.替你照顧小朋友，讓你安心享受假期。
每晚都有G.O.的表演和after party，可以盡情狂歡，由朝玩到晚。
遠離繁囂，你絕對唔會捨得走。
採：何愫盈
攝：馮翠怡
