到珠海後要再轉坐Club Med專船入島，見到呢個位就知冇去錯地方等專船。
【now.com】得兩、三日假，又唔想留係香港，可以去邊度嘆吓？唔好賭錢嘅去澳門除了食都冇咩好做，去台灣又唔夠喉，不如試吓去珠海啦！有15公里長的沙灘、一望無際的infinity pool、每天捕捉的海鮮自助餐、L'OCCITANE提供的spa、每晚的after party、喝不完的cocktail、數之不盡的戶外戶內和水上活動，加上藍天白雲，講到世外桃園咁，有呢個地方咩？
真係有㗎！今次為大家介紹位於中國南海東澳島新開的Club Med渡假村。Club Med與一般酒店和渡假村的最大分別是，有錢就大曬！只需付一個價錢，已包括交通接送（四程船費）、房租錢、入住時三餐伙食和一系列水上、陸上活動的使費，入到去就只有一個字－嘆！
去東澳島，要先在尖沙咀中港碼頭搭船去珠海（約80分鐘），再轉乘Club Med專船入島（約大半小時），連同中間轉船的等候時間，總交通時間約3小時。一落船就會見到Club Med的G.O.（Club Med另一賣點，G.O.即來自世界各地的酒店專員，他們的共同點是超級熱情和有活力，就像跟你認識已久的朋友），上專車坐10分鐘左右就到達Club Med了！
東澳島Club Med擁有15公里長的沙灘。
其中一邊酒店的外觀。
到珠海後要再轉坐Club Med專船入島，見到呢個位就知冇去錯地方等專船。
一落船就有Club Med的G.O.和專車等緊你。
一字排開的G.O.拍住手歡迎你的大駕光臨。
寬敞明亮的大堂，非常有渡假感覺。
Club Med有分Le Luxe和Premium Resort，今次入住Le Luxe那一邊的房間，光是走廊望出去的景觀已經值回票價。
一開房門，只有嘩～一聲，實在太大喇！
每間房都有特大露台，5樓頂層房間的露台更設有室外浴缸！
超大浴室，跳舞都得。
酒店與L'OCCITANE合作，又一加分位。
浴室音響連接了電視，個人最喜歡此設計，可以邊沖涼邊開演唱會。
Club Med宗旨「pass to happiness」，令你忘憂的地方。
大堂出面就係泳池，可以浸足全日水欣賞早、午、晚靚到不能形容的天色。
將會在7月開放的Premium Resort套房。
Premium Resort的豪華房。
自助餐晚餐，有多款菜式，如中、法、意、日等。
叫得東澳島，當然盛產海鮮，全部海鮮如蟹、龍蝦、大蝦、扇貝等都是原隻奉上。
酒店內有一個麵包區，由意大利、法國、馬來西亞等廚師主理，經過可隨手拿起就起，好過癮！
有法國廚師又點少得法式甜品，喜歡的就整盤拿去吧。
冇呃你，真係有法國廚師當住你面前製作。
酒店內有多個水吧位，隨便點cocktail，不用另外收費，當日就有一個cocktail party。
東澳島的日落，想像到只距離香港3小時船程的地方竟可看到如斯美景嗎？
明天還有【玩樂篇】，想知Club Med有咩玩就密切留意！
採：何愫盈
攝：馮翠怡
