抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11點，過去1小時內《彭博》搜尋量最多港股，依次為智譜、天數智芯、MiniMax、中芯國際、小米集團。
智譜及天數智芯基石投資者持股昨日(8日)解禁，但市傳智譜基投表態會長揸，刺激股價昨日拗腰倒升逾13%，不過，集團昨晚突然話計劃配股，集資逾300億元，暫時係今年最大宗融資活動，智譜股價今朝(9日)一度狂飆22%，高見2222元，天數智芯就配股籌約70億元，股價都有得升，係咪反映市場睇好兩家公司前景？
香港股票分析師協會副主席曾永堅指，智譜不論技術及商業模型都令公司有加價能力，更預期公司有望晉身恒指成分股，估計資金炒作智譜「染藍」。佢又指，由上市到解禁，智譜喺二級市場流轉嘅股份唔多，相信投資者會繼續持有，等「染藍」後再做部署，並相信短期仍有炒作熱度。
天數智芯方面，Jaseper就話，投資者要留意最賺錢、毛利最高嘅行業有冇出現變化，因為近期人工智能(AI)算力成本被指有壓縮空間，意味半導體及晶片過去嘅毛利可能下降，或對股價造成潛在壓力。
