【Now新聞台】截至早上11時止，1小時內《彭博》用戶關注度上升最多港股，依次為萬科企業、騰訊控股、阿里巴巴、比亞迪股份及小米集團。
萬科昨日(6日)同金融機構開會，獲大股東深圳市地鐵集團力撐外，深圳國資委亦都話，若萬科有需要會協助公司度過難關，不過，萬科股價今日反覆向下。
富途證券高級策略師譚智樂指，投資者要留意企業違約同項目爛尾係兩回事，即使萬科屬於混改企業，有大股東喺背後撐腰，亦唔代表萬科嘅債務冇問題，所以依家焦點都係留意萬科會唔會違約。
佢又話，整體而言，萬科睇係1隻高風險內房股，現階段唔能夠保證集團唔會出事，所以股價暫時都會喺現水平波動，後市要留意同集團有關嘅消息。
