抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多首5隻港股，依次為友邦保險、騰訊控股、新世界發展、比亞迪股份、港交所。
友邦今日(3日)開市前出季績，第3季新業務價值(NBV)按年大增34%至9.94億美元，創歷來第3高數字，而首3季NBV已超過去年水平，高逾30億美元。集團股價今朝一度升逾4%，高見71.4元，中午收市仍升3%，守得住70元關口。
大華繼顯執行董事梁偉源認為，友邦業務增長比市場預期好，雖然上季NBV利潤率按年跌約7個百分點至51.2%，但較今年上半年嘅50.9%有所改善，集團已經交出各方面都令投資者滿意嘅成績表。佢又話，集團股價由10月低位回升未夠20%，不過業績造好下，加上美國息口有見頂跡象，相信市場會重新評估保險股嘅投資價值，並趁機吸納。
佢續指，集團中國業務持續復甦，上季得以將內地嘅石家莊業務擴展到整個河北省，料未來內地業務會為友邦提供更大盈利增長動力。
Steven又表示，關注管理層喺下午5點嘅分析員會議，就今季業務及利潤率前景有咩啟示。佢相信，隨著產品組合改善，若內地經濟下半年能夠企穩，友邦喺第4季至明年初有望售出更多高毛利率嘅產品。
