抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為遠洋集團、碧桂園、比亞迪股份、滙豐控股及小鵬汽車。
市傳由遠洋國有股東牽頭嘅工作組，數周前聘請中金公司幫遠洋做盡職調查，今朝有幾隻遠洋債跌停，但遠洋股價未見異動，早段一度跌逾2%，低見0.44元，半日收報0.45元，無升跌。
資深證券分析師彭偉新認為，遠洋股價今朝未有急插，因為市場依家更擔心遠洋嘅還債能力，又指股東提出做盡職調查係較罕見，今次可以解讀為呢位股東想「幫一幫」，未來有機會再注資或協助集團加大貸款。
外電消息又提及，遠洋正跟銀行傾緊一筆約40億人仔嘅境外銀團貸款，Castor話，該名國有股東嘅舉動，未必係要求集團進行債務重組，認為唔少債務纏身嘅內房，已將境外可償債嘅資源用得七七八八，依家較難將內地資產調配到國外，償還境外債嘅能力成疑，佢估計，集團更大可能透過引入另1名股東補充資本。
