抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為比亞迪股份、美團、騰訊控股、碧桂園及建設銀行。
ATMJ股價今朝弱勢，其中騰訊偏軟，中午收市落到327元水平，集團下星期會有年度遊戲發布會及公布季績，而旗下嘅短視頻產品騰訊微視有新星計劃，更開始招兵買馬，市場形容係直接向快手、抖音、小紅書開戰，呢項業務對騰訊嚟講，增長潛力大唔大？
大華繼顯策略師楊韻銳指，新計劃係配合騰訊發展方向，因為短視頻係未來增長潛力較大嘅業務之一，雖然騰訊股價近排較弱勢，但主要受外圍影響，包括美國有機會禁止美國企業投資中國科技領域， 一定對科技股有影響。
不過，佢認為，騰訊都有潛在利好因素，市場期望即將出爐嘅季績，收入及純利增速都會加快，預期第1季收入增長8%至10%，預期騰訊進軍短視頻可帶動廣告業務復甦，令投資者對前景有返信心。
