【Now新聞台】截至早上11時，1小時内《彭博》用戶關注度上升最多的港股，依次為中國海外發展、華潤置地、紫金礦業、世茂集團及長城汽車。
內媒《財聯社》報道，承債式併購貸款唔再計入三條紅線内，消息一出，中海外、潤地股價早市雙雙抽高，但世茂股價一度急挫逾18%，點解内房股價對呢個消息嘅反應咁兩極？
大華繼顯執行董事梁偉源指，政策放寬後，有能力做收購嘅公司，可以同更優質嘅資產做併購，有助推高資產淨值，因此，有央企背景嘅中海外、潤地、萬科企業都有得升，即使輕微踩界嘅公司，亦可以透過賣資產由「紅」轉「綠」。不過，今次鬆綁幫唔到規模較細、情況較差嘅內房完全脫「紅」，因此，政策對内房嘅幫助好兩極。
