【Now新聞台】截至早上11時，1小時內《彭博》用戶關注度上升最多的港股，依次為農夫山泉、瑞聲科技、中國海外發展、龍湖集團、李寧。
今日上榜股份藍籌佔咗4隻，雖然榜首嘅農夫山泉唔係藍籌， 但係「染藍」呼聲最高嘅股份之一， 只係一次又次跟「染藍」機會擦身而過，農夫山泉股價今朝喺冇乜消息下一度急挫13%，點解會沽得咁狠？係咪擔心疫情等因素？
京華山一國際研究部主管彭偉新指，疫情對農夫山泉股價嘅影響已經反映咗，之前「染藍」消息將股價推上較高水平，所以累積咗唔少沽壓，不過，相比其他因「染藍」而成交大增嘅例子，農夫山泉嘅成交比率唔算太高，因此，估計係股價跌穿主要技術位觸發沽盤。
