蘋果iPhone5仍然未正式發售，想盡快買到心頭好的用家固然心急，亦有唔少人睇緊有否炒賣空間，轉售圖利，特別首批發售iPhone5地區，並不包括內地。
有在旺角開手機店的店主表示，已經收到約30名客戶訂購iPhone5的訂單，大約一半都是內地客。不過他估計，首一個星期，可以用原價加一千元轉售，之後水位可能有限。
雖然唔少內地人都對這部iPhone5有興趣，不過部分人關注iPhone5採用的，是新的Nano-SIM卡，與內地三大電訊商目前提供的SIM卡，厚度及大細都有不同，擔心在香港買水貨
iPhone5，在內地都得物無所用。
內地傳媒報道，中國移動旗下部分營業廳已經表明，將會為客戶提供換NANO-SIM卡的服務。我們向在北京的其中一間中國移動查詢過，職員表示，目前仍未準備好新SIM卡，但相信很快會有。
而中國電信及中國聯通，據內地傳媒的消息，日後都會向客戶提供NANO-SIM卡。電話卡問題似乎解決了，不過值得留意的是，內地至今都未發出4G牌照，所以內地人買了IPhone5，是內地最多都只能享受3G的上網速度。
