【Now新聞台】截至早上11點，1小時內彭博用戶關注度上升最多的港股依次為遠洋集團、信達生物、世茂集團、京東健康、華潤置地。
今早大市一度反彈，但內房股捱跌，外電指，國務院智庫同內房內銀開會，傳出佳兆業需要外部協助，呼籲國企出手協助改善流動性，應該點解讀呼籲幫手都要大跌？
京華山一國際研究部主管彭偉新指，現時市場唔在乎内房的性質、背景，而係睇流動性，因為會影響整個行業交付項目能力。有公司可能急於套現，買家選擇延遲買樓，令整體銷售數字持續下跌，導致質素較好的内房公司都會出現相同情況，甚至未來一兩年，盈利可能會出現較明顯倒退，對股價產生直接影響。
