【Now新聞台】【Now財經台】截至早上11點，1小時內《彭博》用戶關注度上升最多的港股，依次爲中國通信服務(00552)、九倉置業(01997)、波司登(03998)、保利協鑫能源(03800)、弘陽地產(01996)。
內房股弘陽市值僅75億元，平時唔算起眼，公司上星期六啱啱贖返8300萬美元嘅到期債，依家流通嘅美元債總額仲有19億美元，下一筆債明年4月到期，不過，弘陽股價今日都冇反應，係咪反映市場對內房股嘅信心仍然比較弱？
圓通環球金融集團行政總裁曾永堅表示，投資者應避開規模較小、負債比率高、手頭現金緊張嘅內房股，雖然能夠如期還債嘅消息，短期會對弘陽股價有正面作用，但始終成交都係少，即使有得升都只係曇花一現。
