【Now財經台】截至早上11點止，1小時內《彭博》用戶關注度上升最多港股，依次為中國恒大(03333)、龍湖集團(00960)、金沙中國(01928)、中國鋁業(02600)及新東方在綫(01797)。
恒大股價今朝一度反彈逾11%，恒大汽車(00708)持股20%嘅法拉第未來，今晚將會喺納斯達克掛牌，恒大董事局下星期將開會傾特別分紅計劃，雖然公司傳出一連串利好消息，但仍被睇淡。
富昌證券聯席董事譚朗蔚指，恒大已經多次傳出債務相關、資金鏈斷裂等傳聞，雖然有利好消息紓緩一下，但整體市場唔易被説服。佢又話，過去半年，恒大屢次傳出壞消息，間中都有所謂紓緩消息，但股價持續弱勢，所以今次應把握機會逃生。佢估計，恒大有可能彈多一兩日，建議上到8.2元水平就要離場。
