【Now新聞台】截至早上11點，1小時內《彭博》用戶關注度上升最多港股，依次為藥明生物、信達生物、中國生物製藥、中遠海控及平安好醫生。
3隻生物科技相關藥股排頭3位，其中藥明生物股價一度重挫逾10%。國家藥品監督管理局藥品審評中心，日前就抗腫瘤藥物臨床研發，提出新指導原則。大摩報告認為，新指標提升咗抗腫瘤藥物臨床應用門檻，短期會打擊需求，藥廠需重新調配資源配合新規，長遠會令市場出現整合。
京華山一國際研究部主管彭偉新指，由於依家投資者唔係睇基本因素，導致成個板塊「傳染病式」捱沽，以依家監控嘅嚴謹度估計，相信中央會再出手。佢又話，投資者趕「避險」導致「人踩人」，睇今日嘅跌幅係唔理性，相關股份暫時都應該冇運行，要等...
