【Now新聞台】截至早上11時止，《彭博》系統Top Search No.1是ASM太平洋，第2至5位依次為中國鋁業、中升控股、中銀航空租賃及中國華融。
騰祺基金管理投資管理董事沈慶洪話，ASM業務同電子產品有關，投資者可能係炒中美貿易戰有轉機嘅消息，亦可能因為瑞聲科技等手機設備股股價近日回升，因而睇上股價稍為落後但有望彈返上嚟嘅ASM。Patrick又話，ASM業務穩定，有一定派息，市盈率(PE)又得12倍，較其他手機設備股平，即使智能手機市場接近飽和，但其他電子產品仍然會出新嘅版本，所以唔駛太擔心公司未來前景。
