【Now新聞台】截至早上11時止，《彭博》系統Top Search No.1是龍湖集團，第2至5位依次為粵海投資、金山軟件、中國海外發展及交通銀行。
標準普爾500數指同道瓊斯工業平均指數連升兩日，準備上試50天線。美國企業業績期開展，成績令市場有驚喜，刺激美股向上。如果計全年盈利，至今出咗業績嘅五大美國銀行之中，摩根大通同美國銀行創歷史新高，至於高盛同花旗則錄自2008年金融海嘯以來最好成績。雖然大數好睇，但其實佢哋嘅FICC業績全部都唔達標。
Winnie話，本身股份股價較低殘，其實已經充分反映市場嘅負面預期，所以一有好消息，市場就放大嚟睇，藉機炒上，唔睇壞消息。Winnie又話，有大行提醒，個市聽日就會掉頭向下，因為好消息出晒，而且指數已經去到關鍵位。不過，投資者都可以繼續留意住其他企業嘅業績表現，睇吓大行估得準唔準。
