【Now新聞台】截至早上11時止，《彭博》系統Top Search No.1為中國財險，第2至5位依次為華能國際、騰訊控股、華潤水泥和舜宇光學。
昨日美股道瓊斯工業平均指數開市無耐，即曾跌逾500點，後尾收復大部分失地，最終只跌百零點。觸發道指大跌，主要係由於CATERPILLA等企業季績遜預期，股價急挫。收市後另一企業德州儀器亦暗示，中美貿易戰升溫，導致客戶需求放緩。貿易戰對美國嘅影響開始浮現？
Now財經台評論員趙善真話，美國總統特朗普成日話自己贏梗，但數據反映美國企業受損，冇得呃人，CATERPILLA等工業股正正首當其衝。趙Sir又話，資金可能開始唔再等企業公布業績，先行由股市流出，轉去其他預期有得賺嘅資產，連美股嘅die hard資金都開始流出，可算係熊叫嘅先兆，值得注意。
