【Now新聞台】截止早上11時止，《彭博》系統Top Search No.1為世茂房地產，第2至5位依次為廣汽集團、中海油田服務、富力地產及龍湖集團。
行政長官林鄭月娥聽日會發表任內第二份施政報告，土地供應係其中一個焦點。Now財經台評論員趙善真話，近年庫房「水浸」，政府應計好政策回報適度「放水」。
趙Sir又話，樓價喺咁升，除咗土地不足，亦同貨幣現象有關，雖然金管局成日話會睇實銀行，話所有指標都冇問題，但仲有好多唔使攞銀行牌嘅財仔，公然賣廣告話做二按、三按都冇問題，有啲個案仲做到十幾按，銀行體系其實好危險，一旦「斷水」後果好嚴重。
