【Viu】Janice衛蘭世界巡迴演唱會《OUT OF FRAME》紅館騷噚晚第二場。嘉賓係林家謙,二人合唱家謙嘅《記得》後,Janice表示:「我好欣賞你嘅作曲技巧。」家謙即爆大鑊:「我首《一人之境》曾經俾過妳,但最後妳冇揀嚟唱。」Janice解釋:「其實呢首歌我一路聽一路消化,我有試唱過,但我記得係好難唱,所以我驚我會破壞呢首歌,個天安排我唔去唱,而由你去唱令到首歌變成好Hit。」又幾有道理喎!家謙再笑稱:「當時首歌俾大家係冇歌詞,得啲La La La,到最後冇人用,我就收返首歌返嚟先開始填詞。」
咁呢晚唔是唔唱呀!但向來Fun爆嘅家謙再搞吓笑先,佢話:「我每次做嘉賓都鍾意送禮物俾人,但我諗過妳乜都有,都唔知送乜嘢俾妳。今次妳演唱會叫《OUT OF FRAME》,所以我會唔戴眼鏡去唱呢首歌。」「無鏡」家謙,笑咗!
而呢晚Janice玩高空360繞場就演唱前老闆Leon嘅名曲《夏日傾情》,台下「特別嘉賓」就係當時同公司嘅應昌佑,係《大哥》MV真人版,真係回憶返晒嚟呀!想繼續Loop爆Janice靚聲,嗱嗱聲入嚟睇片啦!
