【Viu】ZPOT噚日推出全新單曲《第7代男團》，歌曲由徐浩作曲監製、少爺占填詞，Bosco同Marcus仲親自寫Rap詞，葉澍暉編曲。歌詞寫入小虎隊、草蜢、Shine、Boy'z、MIRROR同P1X3L等歷代男團，寄望自己可以成為樂壇「第7代男團」，帶起新浪潮！
少爺占以全新身份合作，Bosco話歌詞融合咗各代經典元素，係一份祝福，「希望我哋可以成為香港另外一對有代表性嘅男團，繼續喺舞台上面發光發亮。」Gordon亦感謝少爺占錄音拍MV都過嚟探班。Marcus同Bosco寫嘅Rap詞則講年輕人被質疑嘅迷惘，希望鼓勵大家唔好因為聲音放棄夢想，仲特登將ZPOT寫入Rap。
舞蹈加咗草蜢森巴舞同70-80年代Disco元素，仲有「7」字手勢。MV重現6組男團經典畫面，包括鏡房、草蜢森巴、P1X3L《Bomb》情節同鬼屋尋匙，最有意義係還原《全民造星》99強造型照。
而成員心中榜樣都各有不同，Marcus鍾意小虎隊、Hannz鍾意草蜢、Alvin同Cow視MIRROR為目標、Bosco係P1X3L粉絲、Dave由《燕尾蝶》陪大、Gordon欣賞I Love You Boyz，都期望ZPOT可以全方位發展。
