【Viu】男團ZPOT今日出席品牌活動，DSE日前放榜，身為應屆考生嘅Alvin沾沾話同預期成績差唔多，某啲科都ok，更喜獲家人支持同時升大學兼娛樂圈發展。同為考生嘅Marcus就表示成績未如理想，亦得到家人support全心做星。至於牙Cow嚟緊會讀Operation Management 嘅Master，希望兩年後順利畢業咁話。
而7子首個團綜《ZPOT新丁企劃》已播到最後一個禮拜，唔捨得就梗啦！ZPOT就公開爭取公司再開新團綜俾佢哋，仲連節目名都諗埋㖭！SLDPK呀！喺節目中眼淚放題嘅Dave竟唔認大喊包，仲爆料有「新成員」加入爆喊行列！
同場嘅VIVA同ZPOT見面，成員VALC、Carina最近孖住拍電影《復仇的人》，表示喺片場驚喜見影帝劉青雲同邱禮濤導演對戲時，會問好多問題，然後自己有好多詮釋，齋望已學咗好多！而Ada同Macy亦有要battle嘅唱歌節目，Ada就講明恨出solo，節目就當係出歌前秘密training。想知更多入嚟睇片啦！
