【Viu】鍾雪瑩、Stanley邱士縉同「泰妹」楊雅文今日出席新片《我阿爹想旅行》首映,講到票房目標,Stanley就話睇影后鍾雪頭,仲揚言如果票房有8千萬就著返「少布古裝」謝票,以及同鍾雪齊齊唱主題曲。講到鍾雪喺社交網站控訴受某文化人以露骨用詞寫影評,佢重申出story原因只係希望大家互相尊重,如果自己覺得唔舒服就要出聲,並指對方早前已就事件致歉,自己亦冇經歷過袁澧林撰文所提及嘅被抽水事件。
至於Stanley就話為咗團綜付出好多,但小朋友嘅心意冇得估,仲爆姜濤嘅「漢堡包戰術」其實未找數㗎!大表哥又暗示團Con隨時唔止陪大家過平安夜,似乎仲有加場空間咁喎!笑指佢喺團Con舉行時已榮升人夫,Stanley就話「邱太」Alina一定會嚟睇騷,又話未睇Alina喺《地獄大狀》同Jeffrey嘅咀戲,反而鍾雪搶答話有睇,笑爆全場!
此外,問到泰妹有冇關心好友Stone同黃淑蔓嘅戀情,佢竟然爆出驚世Bite,搞到鍾雪同Stanley都唔知點救場,想知就睇足本訪問啦!
