【Viu】Jay Fung馮允謙同Feanna黃淑蔓今日出席活動時，蔓蔓即席教Jay Fung「旋轉魔法」，成功解鎖「Cute Fung」一面！Jay Fung同蔓蔓開心Share「沉船」經過，Jay自爆沉迷儲NBA球星卡，屋企有過千張珍藏，最近去巴黎仲抽到全球限量50張嘅著名球星親簽金卡，估計炒價高達5位數，但自己打死都唔賣㗎！而蔓蔓就沉咗「森林家族」，相信呢舖都係「無底洞」㗎喇！
蔓蔓又話最近執到自來「愛情鳥」，咦？莫非上天有啟示？蔓蔓笑言可惜只得一隻，但講到緋聞男友Stone睇騷冇拉褲鏈，佢就笑到「紅都面晒」，仲話估計Stone有因此唔開心。至於點解去到會場要調位唔一齊坐呢？蔓蔓當然有說法啦！
出名有風度嘅Jay Fung即自爆試過喺頒獎禮爆呔嚟解圍，又話做「縫補補」時唔敢郁，驚拮親「小Jay」呀！再問到同期出道嘅林欣彤早前上載彈琴片，似乎有機會重返樂壇，Jay Fung當然期待啦！想知更多就睇足本訪問啦！
