【Viu】MIRROR十位成員今日出席團綜《MIRROR ACE》記者會,Lokman同Alton因工作缺席。AK首先為日前受訪時因情緒影響態度致歉,自己已經深切反省,希望大家見諒。席間MIRROR分享拍攝難忘事,姜濤被Frankie踢爆「見波開眼」超好勝,又應要求讚Ian 30秒;AL同Edan就指Jer食極唔飽,而Vivienne呢個潮語仲係由教主「賜名」,總之就繽紛啦!
受訪期間大家齊齊恭賀AK憑《我們不是什麼》提名金馬獎「最佳男配角」,佢亦笑指一個提名整喊兩個女人;而被列為「滄海遺珠」嘅Stanley當然有失望,但感恩可以透過電影認識世界。至於有傳月底去東南亞結婚,大表哥就不欲多談喇!話題當然唔少得姜濤孖Jeremy齊齊去大表哥間Gym操肌備戰團Con;仲講返做「新手爸爸」養狗一事。
而AL都有回應《金秘書》被郭子豪劇透鑽石級前輩陣容,到底Edan靚仔啲定呂頌賢靚仔啲?「世一」吳安儀同MIRROR拍攝又有咩趣事?大家睇足本訪問就知啦!
