【Viu】MIRROR「雙J」Jer、Jeremy合體出活動搵真銀,即場試玩Pickleball,兩位都勁快上手,有啲天分咁喎!Jer話之前跟Pickleball大師Alfred許廷鏗玩過兩次,豪言Alfred係佢嘅手下敗將,咁牙擦?而Jeremy就話想同強尼大哥切磋啦!
當問到Pickleball好玩啲抑或要「甩」嘅麻雀運動好玩?雙J又點揀?Jer除咗再爆Jeremy有「雀聖」靚朵之外,仲踢爆埋肥仔每次落場對住佢都會出大絕,就係除衫露點邪一邪,呢招見唔見效?肥仔都係手下敗將?
世界盃踢到4強階段,唔知柳市民會唔會好似王市民Alton咁去茶樓睇波?咁啱今年903再搞足球賽,「風之子」Jer立flag話要入20球,勁過帽子戲法喎!至於講到佢喺電影《不得不好死》嘅冬菇look造型曝光,Jer指每日都起碼要花3個鐘化特技妝,而爛醉屙wee wee條標題有冇嚇親身邊人?
MIRROR新團歌《同往》MV噚日上架,Jeremy扁嘴爆當日拍攝犧牲咗一對白滑長腿餵蚊,勁慘慘豬!唔知會唔會有拍攝BTS,可以知呢「12隻恐龍」嗰陣講咗啲咩嘛!有鏡粉又留意到song cover大表哥被Jer力壓,Jer又點反擊?雙J因咩事講講吓突然鬧交?另外,Jeremy電台自爆連番拒絕陳蕾demo,對方有冇嬲?Jer幾時再有新歌?想知就睇足本訪問啦!
