【Viu】電影《功夫女足》即將喺香港上映，導演周星馳今日率聯合導演林子聰、編劇Miss Hunny何穎璇，同一眾演員劉嘉玲、迪麗熱巴、張繼聰、雪野、蔡思貝、胡予安，跑勻4間戲院進行共8場特別場謝票！第3場嚟到尖沙咀，由程人富@小薯茄擔任MC介紹演員們入場，全院影迷拉晒banner尖叫式歡迎，嗌破喉嚨極為震撼！
打頭陣入場嘅星爺同劉嘉玲、迪麗熱巴眼利發現有熱情影迷撐足咁多場謝票！期間星爺解答《功夫女足》會唔會有粵語version，呢條問題相信會係影迷最想知道嘅！
劉嘉玲則開心share相隔多年再同星爺合作感受，又話每次同「星仔」開工都好歡樂兼學到好多嘢，大讚星爺對演戲好有研究，仲係精益求精添，如何做唔到佢要求就要狂NG！然後佢乘機問星爺點解最後一take要不斷NG，星爺點答呢？
迪麗熱巴即場問星爺「開心」嘅廣東話點講再現學現賣！「孖八」蔡思貝對被導演指打得最似李小龍嘅女演員又有咩回應？腰馬合一嗰招大絕係點練返嚟？Miss Hunny覺得電影製成品如何？而林子聰又向觀眾推介邊一幕係必定要金睛火眼留意？依家先睇謝票實況！
