【Viu】動漫節今日開鑼！Stephen馮德倫帶同自家原創動漫IP「BUCKET MAN」嘅全新動畫預告片同大家見面！唔知Stephen喺入會場嗰個moment有冇跟傳統嚟個「反智轉身」？佢指之前都有嚟過幾屆動漫節，有買過劍、公仔、王家衛導演嘅電影海報等，笑言啲戰利品依家升晒值㗎！自稱未試過cosplay嘅Stephen，轉頭會唔會破天荒笠住個水桶繞場一周？
講返佢套動畫，佢指因為要向外傾合作，所以暫時只有英文版，之後會有粵語版，笑問Stephen會唔會配返男主角？佢幽默落閘，指個主角得10幾歲，配音方面會搵返配音界明星！完成一季十集後，下一步就係籌備電影？
對有報導指Stephen炒樓失手蝕134萬，佢婉拒回應！另外，「四哥」謝賢日前離世，Stephen指有text老友謝霆鋒慰問，續話四哥有個豐盛嘅人生，留下唔少經典之作，形容對方係一個瀟灑、爽快嘅人！佢又憶起去四哥屋企作客表演魔術，可以喺羅四海@《千王之王》面前表演勁沾沾！談及四哥曾客串其執導電影《太極2英雄崛起》，Stephen重談佢聽到四哥用「肥仔」稱呼洪金寶嘅趣事！快啲睇足本訪問啦！
